ନୁଆଦିଲ୍ଲୀ: ଭାରତ ଅଣ୍ଡର-୧୯ ୱର୍ଲ୍ଡ କପର ସେମିଫାଇନାଲରେ ପାକିସ୍ତାନକୁ ୧୦ ୱିକେଟରେ ହରାଇ ଦେଇଛି । ଏହି ବିଜୟ ସହିତ ଟିମ୍ ଇଣ୍ଡିଆ ୭ମ ଥର ପାଇଁ ଫାଇନାଲରେ ପହଞ୍ଚି ଯାଇଛି । ଅନ୍ୟପଟେ ପାକିସ୍ତାନ ଟୁର୍ଣ୍ଣାମେଣ୍ଟର ଇତିହାସରେ ଲଗାତର ୪ର୍ଥ ପାଇଁ ପରାସ୍ତ ହୋଇଛି । ମଙ୍ଗଳବାର ଦକ୍ଷିଣ ଆଫ୍ରିକାରେ ପାକିସ୍ତାନ ପ୍ରଥମ ବ୍ୟାଟିଂ କରି ୪୩ ଓଭରରେ ୧୭୨ ରନ୍ କରିଥିଲା । ଭାରତ ୩୫.୨ ଓଭରରେ ବିନା ୱିକେଟ ହରାଇ ୧୭୬ ରନ୍ ସହିତ ବିଜୟ ହାସଲ କରିଛି ।
ଭାରତ ପାଇଁ ମ୍ୟାଚରେ ଓପନର ୟଶସ୍ୱୀ ଜୟସୱାଲ୍ ୧୦୫ ଓ ଦିବ୍ୟାଶଂ ସକସେନା ୫୯ ରନ୍ ସଂଗ୍ରହ କରିଛନ୍ତି । ଉଭୟ ପ୍ରଥମ ୱିକେଟ ପାଇଁ ୧୭୬ ରନର ପାର୍ଟନରସିପ୍ କରିଛନ୍ତି । ଏହି ଟୁର୍ଣ୍ଣାମେଣ୍ଟରେ ଓପନିଂ ୱିକେଟ୍ ପାଇଁ ଏହା ସବୁଠାରୁ ବଡ ପାର୍ଟନରସିପ୍ । ଯଶସ୍ୱୀ ଓ ଦିବ୍ୟାଶଂ ଟୁର୍ଣ୍ଣାମେଣ୍ଟରେ ଦ୍ୱିତୀୟ ଥର ପାଇଁ ଶତକୀୟ ପାର୍ଟନରସିପ୍ କରିଛନ୍ତି ।
ଅଣ୍ଡର-୧୯ ୱର୍ଲ୍ଡ କପରେ ଭାରତ vs ପାକିସ୍ତାନ
| ମସିହା | ରେଜଲ୍ଟ |
| ୧୯୮୮ | ପାକିସ୍ତାନ ୬୮ ରେ ଜିତିଲା |
| ୧୯୯୮ | ଭାରତ ୫ ୱିକେଟରେ ଜିତିଲା |
| ୨୦୦୨ | ପାକିସ୍ତାନ ୨ ୱିକେଟରେ ଜିତିଲା |
| ୨୦୦୪ (ସେମିଫାଇନାଲ୍) | ପାକିସ୍ତାନ ୫ ୱିକେଟରେ ଜିତିଲା |
| ୨୦୦୬(ଫାଇନାଲ) | ପାକିସ୍ତାନ ୩୮ରନରେ ଜିତିଲା |
| ୨୦୧୦(କ୍ୱାର୍ଟରଫାଇନାଲ) | ପାକିସ୍ତାନ ୨ ୱିକେଟରେ ଜିତିଲା |
| ୨୦୧୨(କ୍ୱାର୍ଟରଫାଇନାଲ) | ଭାରତ ୧ ୱିକେଟରେ ଜିତିଲା |
| ୨୦୧୪ | ଭାରତ ୪୦ ରନରେ ଜିତିଲା |
| ୨୦୧୮(ସେମିଫାଇନାଲ) | ଭାରତ ୨୦୩ ରନରେ ଜିତିଲା |
| ୨୦୧୯(ସେମିଫାଇନାଲ) | ଭାରତ ୧୦ ୱିକେଟରେ ଜିତିଲା |