ଭୁବନେଶ୍ୱର – ଜଟଣୀ ଅଞ୍ଚଳରୁ ଦେଢ କୋଟି ଟଙ୍କାର ବ୍ରାଉନ ସୁଗାର ଜବତ କରିଛି କମିଶନରେଟ୍ ପୁଲିସ । ଏ ବିଷୟରେ ପୁଲିସ ଡିଜି ଅଭୟଙ୍କ ସୂଚନା ଦେଇଛନ୍ତି । ମୋଟ୍ ୧.୭୪୯ ଗ୍ରାମ୍ ବ୍ରାଉନସୁଗାର ଜବତ କରାଯାଇଛି । ଏହାର ଆନୁମାନିକ ଦେଢ କୋଟି ଉର୍ଦ୍ଧ୍ବ ହେବ ।
ଜଟଣୀ, ଏୟାରଫିଲ୍ଡ ଓ ପିପିଲି ଥାନା ଅଞ୍ଚଳରୁ ୩ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ହେଲେ ଗଞ୍ଜାମ ଜିଲ୍ଲା ସୋରଡାର ମାନସ ପରିଚ୍ଛା, ଗଞ୍ଜାମ ଜିଲ୍ଲା ବୁଗୁଡା ଅଞ୍ଚଳର ସନ୍ତୋଷ ଦାସ ଏବଂ ପୁରୀ ଜିଲ୍ଲା କଣାସ ଅଞ୍ଚଳର ମହେଶ୍ବର ସାହୁ । ମାନସ ପରିଚ୍ଛା ଓ ସନ୍ତୋଷ ଦାସ ବିଟେକ୍ ଛାତ୍ର ।
ସେମାନଙ୍କ ନିକଟରୁ ଗୋଟିଏ ସ୍କର୍ପିଓ, ଗୋଟିଏ ବାଇକ୍ ଓ ମୋବାଇଲ୍ ଜବତ କରାଯାଇଛି । ଏମାନେ ସମସ୍ତେ ବାହାରୁ ବ୍ରାଉନସୁଗାର ଆଣି ଖୋର୍ଦ୍ଧା, ପୁରୀ, ଜଟଣୀ ଅଞ୍ଚଳରେ ଛୋଟ ଛୋଟ ବ୍ୟବସାୟୀଙ୍କୁ ଦେଉଥିଲେ ।