ନୂଆଁଦିଲ୍ଲୀ (ଏଜେନ୍ସି): ସୂର୍ଯ୍ୟ କୁମାର ଯାଦବ ଅଷ୍ଟ୍ରେଲିଆ ବିପକ୍ଷ ପାଞ୍ଚ ଟି-୨୦ ରେ ଭାରତର ନେତୃତ୍ୱ ନେବାକୁ ସ୍ଥିର କରାଯାଇଛି । ୩୩ ବର୍ଷୀୟ ସୂର୍ଯ୍ୟ କୁମାର ବର୍ତ୍ତମାନ ପର୍ଯ୍ୟନ୍ତ ଭାରତ ପାଇଁ ୫୩ଟି ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି । ଏଥିରେ ସେ ହାରାହାରି ୪୬.୦୨ ଏବଂ ଷ୍ଟ୍ରାଇକ୍ ହାର ୧୭୨.୭ରେ ୧୦୬୬ ରନ୍ କରିଛନ୍ତି ।
ବିଶ୍ୱକପ୍ ଫାଇନାଲ୍ ପରେ ନଭେମ୍ବର ୨୩ରୁ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଆରମ୍ଭ ହେବ ପାଞ୍ଚ ଟି-୨୦ ସିରିଜରେ ସୂର୍ଯ୍ୟ କୁମାର ଯାଦବ ଭାରତୀୟ ଦଳର ଅଧିନାୟକ ନଜର ଆସିବେ ।
ଟି-୨୦ ସିରିଜ ପାଇଁ ଭାରତୀୟ ଦଳର ଅଫିସିଆଲ୍ ଘୋଷଣା ଏପର୍ଯ୍ୟନ୍ତ ହୋଇନାହିଁ । କିନ୍ତୁ କ୍ରିକବଜ୍ ରିପୋର୍ଟ ଅନୁଯାୟୀ ସୂର୍ଯ୍ୟ କୁମାର ଯାଦବ ଏହି ସିରିଜରେ ଟିମ୍ ଇଣ୍ଡିଆ ଅଧିନାୟକ ହେବାକୁ ଯାଉଛନ୍ତି ।
୩୩ ବର୍ଷୀୟ ସୂର୍ଯ୍ୟ ବର୍ତ୍ତମାନ ପର୍ଯ୍ୟନ୍ତ ଭାରତ ପାଇଁ ୫୩ଟି -୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି । ଏଥିରେ ସେ ହାରାହାରି ୪୬.୦୨ ଏବଂ ଷ୍ଟ୍ରାଇକ୍ ହାର ୧୭୨.୭ରେ ୧୦୬୬ ରନ୍ କରିଛନ୍ତି ।
୨୦୨୩ ବିଶ୍ୱକପ୍ରେ ଟିମ୍ ଇଣ୍ଡିଆର ଅଂଶ ହୋଇଥିବା ପ୍ରସିଦ୍ଧ କ୍ରିଷ୍ଣା ଏହି ସିରିଜରେ ଖେଳିବା ନିଶ୍ଚିତ, କିନ୍ତୁ ଆହତ ହାର୍ଦ୍ଦିକ ପାଣ୍ଡ୍ୟାଙ୍କ ନାମକୁ ବିଚାର କରାଯାଇ ନାହିଁ। ଯଦି ସେ ଫିଟ୍ ହୋଇଥାନ୍ତେ, ସେ ନିଶ୍ଚିତ ଭାବରେ ଅଧିନାୟକ ହୋଇଥାନ୍ତେ।ଭିଭିଏସ୍ ଲକ୍ଷ୍ମଣ ଅଷ୍ଟ୍ରେଲିଆ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ପାଇଁ ମୁଖ୍ୟ ପ୍ରଶିକ୍ଷକ ଭାବରେ ଟିମ୍ ଇଣ୍ଡିଆରେ ଯୋଗଦେବେ । ଆୟର୍ଲାଣ୍ଡରେ ଖେଳୁଥିବା ଅଧିକାଂଶ ଖେଳାଳିଙ୍କୁ ଦଳରେ ରଖାଯାଇଛି, କିନ୍ତୁ ଜସପ୍ରୀତ ବୁମ୍ରାଙ୍କୁ ବିଶ୍ରାମ ଦିଆଯାଇଛି। ଆୟର୍ଲାଣ୍ଡ ଗସ୍ତରେ ଟି -୨୦ ସିରିଜରେ ବୁମ୍ରା ଭାରତୀୟ ଦଳର ଅଧିନାୟକ ଥିଲେ ।