ଜମ୍ମୁ-କଶ୍ମୀରରେ ଆତଙ୍କବାଦୀ ଆକ୍ରମଣ, ୨ ଅଧିକାରୀ ୨ ସୈନିକ ସହିଦ

ନୂଆଦିଲ୍ଲୀ (ଏଜେନ୍ସି): ଜମ୍ମୁ-କଶ୍ମୀର ରଜୌରୀ ଜିଲାର କାଲାକୋଟ ଜଙ୍ଗଲରେ ଆତଙ୍କବାଦୀ ମାନଙ୍କ ସହିତ ଗୁଳିମାଡ଼ରେ ଦୁଇ ଅଧିକାରୀ ଏବଂ ଦୁଇ ସୈନିକ ସହିଦ ହୋଇଛନ୍ତି। ସମ୍ପୃକ୍ତ ଅଞ୍ଚଳରେ ଆତଙ୍କବାଦୀମାନେ ଲୁଚି ରହିଥିବା ଗୁଇନ୍ଦା ସୂତ୍ରରୁ ଖବର ପାଇଁ ଭାରତୀୟ ସେନା ଏବଂ ପୋଲିସ ଅଧିକାରୀମାନେ ମିଳିତ ସର୍ଚ୍ଚ ଅପରେସନ ଆରମ୍ଭ କରିଥିଲେ। ଏହି ସମୟରେ ଆତଙ୍କୀମାନେ ସୁରକ୍ଷାକର୍ମୀଙ୍କ ଉପରକୁ ଅଚାନକ ଗୁଳିମାଡ କରିଥିଲେ। ଫଳରେ ୪ ବୀର ସୈନିକ ସହିଦ ହୋଇସାଯାଇଛନ୍ତି।

ଗତ କିଛି ବର୍ଷ ହେବ ଜମ୍ମୁ-କଶ୍ମୀରରେ ଥିବା ପିର ପଞ୍ଜଲ ଜଙ୍ଗଲ ଆତଙ୍କବାଦୀଙ୍କ ସହିତ ଗୁଳିମାଡ଼ ସମୟରେ ସେନା ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଆତଙ୍କବାଦୀମାନେ ଏଠାରେ ପାହାଡ଼ିଆ ଘଞ୍ଚ ଜଙ୍ଗଲର ସୁଯୋଗ ନେଇ ନିଜକୁ ଲୁଚାଇ ସେମାନଙ୍କର ସ୍ଥିତିକୁ ମଜବୁତ କରିବା ସହିତ ସୈନିକ ମାନଙ୍କୁ ଟାର୍ଗେଟ କରୁଛନ୍ତି।

ଗତ ସପ୍ତାହରେ ରଜୌରୀ ଜିଲାରେ ସୁରକ୍ଷା ବାହିନୀ ସହ ହୋଇଥିବା ଏନକାଉଣ୍ଟରରେ ଜଣେ ଆତଙ୍କବାଦୀ ନିହତ ହୋଇଥିଲେ। ବୁଦ୍ଧ ତହସିଲର ଗୁଲର୍-ବେହେରୋଟ୍ ଅଞ୍ଚଳରେ ସେନା, ପୋଲିସ୍ ଏବଂ ସିଆର୍ପିଏଫର ମିଳିତ ଟିମ୍ ଦ୍ୱାରା କର୍ଡନ୍ ଆଣ୍ଡ ସର୍ଚ୍ଚ ଅପରେସନ୍ ସମୟରେ ଏହି ଏନକାଉଣ୍ଟର ହୋଇଥିଲା।

Leave a Reply

Your email address will not be published. Required fields are marked *