ଜାମ୍ମୁ କାଶ୍ମୀରର ପୁଞ୍ଚରେ ହୋଇଥିବା ଆତଙ୍କବାଦୀ ଆକ୍ରମଣରେ ରାଷ୍ଟ୍ରିୟ ରାଇଫଲ୍ସ ୟୁନିଟର ୫ ଜଣ ଯବାନ ପ୍ରାଣ ହରାଇଛନ୍ତି। ଗୁରୁବାର (ଏପ୍ରିଲ ୨୦) ଅପରାହ୍ନରେ ପୁଞ୍ଚ ଜିଲ୍ଲାର ଏକ ସେନା ଗାଡିରେ ଅଜ୍ଞାତ ଆତଙ୍କବାଦୀମାନେ ଗୁଳି ଚଳାଇ ପାଞ୍ଚଜଣ ଯବାନଙ୍କ ମୃତ୍ୟୁ ଘଟିଛି। ପୁଞ୍ଚ ଆକ୍ରମଣର ଯାଞ୍ଚ ପାଇଁ ଏନଆଇଏର ସ୍ୱତନ୍ତ୍ର ଦଳ ପୁଞ୍ଚରେ ପହଞ୍ଚିଛନ୍ତି। ଏଠାରେ ଦଳ ଏହାର ତଦନ୍ତ ଆରମ୍ଭ କରିଛି।
ଅଧିକାରୀମାନେ କହିଛନ୍ତି ଯେ ସମଗ୍ର ଅଞ୍ଚଳକୁ କର୍ଡନ କରାଯାଇଛି ଏବଂ ଆତଙ୍କବାଦୀଙ୍କୁ ଟ୍ରାକ କରିବା ପାଇଁ ଡ୍ରୋନ୍ ଏବଂ ସ୍ନିଫର୍ କୁକୁରଙ୍କ ସହାୟତା ନିଆଯାଉଛି। ସେ କହିଛନ୍ତି ଯେ ସୀମାନ୍ତ ଜିଲ୍ଲା ରାଜୌରୀ ଏବଂ ପୁଞ୍ଚରେ ହାଇ ଆଲର୍ଟ ଘୋଷଣା କରାଯାଇଛି ଏବଂ ନିୟନ୍ତ୍ରଣ ରେଖା ନିକଟରେ କଡା ସଜାଗ କାର୍ଯ୍ୟ ଜାରି ରହିଛି। ଏହି ଆତଙ୍କବାଦୀ ଆକ୍ରମଣ ପରେ ଭୀମବର୍ ଗାଲି-ପୁଞ୍ଚ ରାସ୍ତାରେ ଟ୍ରାଫିକ୍ ଅଟକି ରହିଛି ବୋଲି ଅଧିକାରୀମାନେ ସୂଚନା ଦେଇଛନ୍ତି।
ବମ୍ ନିଷ୍କାସନ ସ୍କ୍ବାର୍ଡ୍ ଏବଂ ସ୍ପେଶାଲ୍ ଅପରେସନ୍ ଗ୍ରୁପ୍ ଘଟଣାସ୍ଥଳରେ ପହଞ୍ଚିଛନ୍ତି
ଭାରତୀୟ ସେନା ଏହାର ବିବୃତ୍ତିରେ କହିଛି, ଜାମ୍ମୁ କାଶ୍ମୀରର ରାଜୌରୀସେକ୍ଟରରେ ଅଜ୍ଞାତ ଆତଙ୍କବାଦୀଙ୍କ ଦ୍ୱାରା ଗ୍ରେନେଡ ବ୍ୟବହାର ହେତୁ ଏକ ସେନା ଟ୍ରକରେ ନିଆଁ ଲାଗିଯାଇଥିଲା। ଏହି ଅଞ୍ଚଳରେ ଆତଙ୍କବାଦୀ ମୁକାବିଲା ପାଇଁ ନିୟୋଜିତ ରାଷ୍ଟ୍ରିୟ ରାଇଫଲ୍ସ ୟୁନିଟର ପାଞ୍ଚ ଜଣ ଯବାନ ଦୁର୍ଭାଗ୍ୟବଶତ ଏହି ଘଟଣାରେ ପ୍ରାଣ ହରାଇଛନ୍ତି। ଅନ୍ୟ ଜଣେ ଗୁରୁତର ଆହତ ଯବାନଙ୍କୁ ତୁରନ୍ତ ରାଜୋରି ଆର୍ମି ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା ଚାଲିଛି। ସର୍ଚ୍ଚ ଅପରେସନ୍ ଚାଲିଛି। “
ମୃତକଙ୍କ ନାମ ହାବିଲଦାର ମଣ୍ଡିପ ସିଂ, ଏଲ / ଏନ କେ କୁଲୱନ୍ତ ସିଂ, କନଷ୍ଟେବଳ ହରିକିଶାନ ସିଂ ଏବଂ ପଞ୍ଜାବର କନଷ୍ଟେବଳ ସେୱକ ସିଂ ଏବଂ ଓଡିଶାର ଏଲ / ଏନ କେ ଦେବାଶିଷ ବିଶ୍ବାଳ ବୋଲି ଜଣାପଡିଛି। ଆତଙ୍କବାଦୀଙ୍କ ଦ୍ୱାରା ଗ୍ରେନେଡ ବ୍ୟବହାର ହେତୁ ଗାଡିରେ ନିଆଁ ଲାଗିଛି ବୋଲି ଉଦ୍ଧାମପୁର ସ୍ଥିତ ଉତ୍ତର କମାଣ୍ଡ ଏକ ବିବୃତ୍ତିରେ କହିଛି। ଗୁରୁବାର ଦିନ ଅପରାହ୍ନ ପ୍ରାୟ ୩ ଟା ସମୟରେ ରାଜୋରି ସେକ୍ଟରର ଭୀମବର୍ ଗାଲି ଏବଂ ପୁଞ୍ଚ ମଧ୍ୟରେ ସେନା ଗାଡି ଚାଲୁଥିବା ବେଳେ ଏହି ଘଟଣା ଘଟିଥିଲା।
ଏହି ଘଟଣା ପରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଗୁରୁବାର ସନ୍ଧ୍ୟାରେ ଏକ ଟ୍ୱିଟର ପୋଷ୍ଟରେ କହିଛନ୍ତି ଯେ ପୁଞ୍ଚ ଜିଲ୍ଲା (ଜାମ୍ମୁ କାଶ୍ମୀର) ରେ ଘଟିଥିବା ଦୁଃଖଦ ଘଟଣାରେ ଦୁଃଖିତ ଯେଉଁଠାରେ ଟ୍ରକରେ ନିଆଁ ଲାଗିବା ପରେ ଭାରତୀୟ ସେନା ନିଜର ସାହସୀ ଯବାନମାନଙ୍କୁ ହରାଇଥିଲା। ଏହି ଦୁଃଖ ସମୟରେ ଶୋକସନ୍ତପ୍ତ ପରିବାରମାନଙ୍କ ସମବେଦନା |