ଗତକାଲି ଗଲା ବିଶ୍ୱ ଅଙ୍ଗ ଦାନ ଦିବସ । ଏହି ଅବସରରେ, ଆମେ ଆପଣଙ୍କୁ ଜଣାଇବୁ ଯେ ବଲିଉଡରୁ ସାଉଥ୍ ପର୍ଯ୍ୟନ୍ତ କେଉଁ ସେଲିବ୍ରିଟିମାନେ ସେମାନଙ୍କର ଅଙ୍ଗ ଦାନ କରିଛନ୍ତି । ଜଣେ ସୁପରଷ୍ଟାର ତାଙ୍କ ମୃତ୍ୟୁ ପରେ ତାଙ୍କର ଆଖି ଦାନ କରିଥିଲେ, ଏବଂ ତାଙ୍କ ପ୍ରଶଂସକମାନେ ତାଙ୍କ ଦ୍ୱାରା ଏତେ ଅନୁପ୍ରାଣିତ ହୋଇଥିଲେ ଯେ ସେମାନେ ତୁରନ୍ତ ସେମାନଙ୍କର ଅଙ୍ଗ ଦାନ କରିବାକୁ ପ୍ରତିଜ୍ଞା ମଧ୍ୟ କରିଥିଲେ ।ପ୍ରଥମେ, ସାଉଥର ପାୱାର ଷ୍ଟାର ପୁନିତ ରାଜକୁମାରଙ୍କ ବିଷୟରେ କଥା ହେବା, ଯାହାଙ୍କର ୨୦୨୧ ମସିହାରେ ହୃଦଘାତରେ ମୃତ୍ୟୁ ହୋଇଥିଲା । ଏହା ପରେ, ତାଙ୍କ ପରିବାର ତାଙ୍କର ଆଖି ଦାନ କରିଥିଲେ, ଯାହା ଦୁଇ ଜଣଙ୍କୁ ଦୃଷ୍ଟିଶକ୍ତି ଦେଇଥିଲା । ଏହା ପରେ, କର୍ଣ୍ଣାଟକରେ ରାଜକୁମାରଙ୍କ ଅନେକ ପ୍ରଶଂସକ ଅଙ୍ଗ ଦାନ କରିବାକୁ ମଧ୍ୟ ପ୍ରତିଜ୍ଞା କରିଥିଲେ ।ଐଶ୍ୱର୍ଯ୍ୟା ରାୟ ବଚ୍ଚନ ବର୍ଷ ବର୍ଷ ପୂର୍ବରୁ ତାଙ୍କ ଆଖି ଦାନ କରିବାକୁ ପ୍ରତିଜ୍ଞା କରିଥିଲେ । ସେ ଭାରତୀୟ ଚକ୍ଷୁ ବ୍ୟାଙ୍କ ସଂଘକୁ ଆଖି ଦାନ କରିବାକୁ ପ୍ରତିଜ୍ଞା କରିଛନ୍ତି । ସେ କହିଛନ୍ତି, “ମୋ ଆଖି ମୋର ସବୁଠାରୁ ବଡ଼ ସମ୍ପତ୍ତି ଏବଂ ଏହାକୁ ଦାନ କରି ମୁଁ ଅନ୍ୟମାନଙ୍କୁ ଦୃଷ୍ଟିଶକ୍ତିର ଉପହାର ଦେଇପାରିବି ।”ଅମିତାଭ ବଚ୍ଚନ ମଧ୍ୟ ତାଙ୍କ ଆଖି ଏବଂ ଅନ୍ୟାନ୍ୟ ଅଙ୍ଗ ଦାନ କରିବାକୁ ପ୍ରତିଶ୍ରୁତି ଦେଇଛନ୍ତି । ଅମିତାଭ ବଚ୍ଚନ ପ୍ରାୟତଃ ଅଙ୍ଗ ଦାନ ବିଷୟରେ ସଚେତନତା ଅଭିଯାନ ଚଳାନ୍ତି । ସେ ଲୋକମାନଙ୍କୁ ପ୍ରେରଣା ମଧ୍ୟ ଦିଅନ୍ତି । ସେ କୁହନ୍ତି ଯେ, “ଗୋଟିଏ ଦାନ ଅନେକ ଜୀବନ ବଞ୍ଚାଇପାରେ ।”ଥାଲାଇଭା ରଜନୀକାନ୍ତ ମଧ୍ୟ ଅଙ୍ଗଦାନ କରୁଥିବା ତାରକାଙ୍କ ଲିଷ୍ଟରେ ସାମିଲ ଅଛନ୍ତି । ସେ ତାଙ୍କ ସମ୍ପୂର୍ଣ୍ଣ ଶରୀରର ଅଙ୍ଗଦାନ କରିବାକୁ ପ୍ରତିଜ୍ଞା କରିଛନ୍ତି । ରଜନୀକାନ୍ତ ବିଶ୍ୱାସ କରନ୍ତି, “ମୃତ୍ୟୁ ପରେ ମଧ୍ୟ ସେବା ଜାରି ରହିବା ଉଚିତ ଏବଂ ଏହା କରିବାର ଏହା ସଠିକ୍ ଉପାୟ ।”ବିଶ୍ୱସ୍ତରୀୟ ଷ୍ଟାର ପ୍ରିୟଙ୍କା ଚୋପ୍ରା ମଧ୍ୟ ତାଙ୍କର ସମସ୍ତ ଅଙ୍ଗ ଦାନ କରିବାକୁ ପ୍ରତିଜ୍ଞା କରିଛନ୍ତି । ୨୦୧୪ ମସିହାରେ ‘ମିଷ୍ଟର ପରଫେକ୍ସନିଷ୍ଟ’ ଆମିର ଖାନ ଘୋଷଣା କରିଥିଲେ ଯେ ସେ ତାଙ୍କର ସମସ୍ତ ଅଙ୍ଗ ଦାନ କରିବେ ।ଏହି ତାଲିକାରେ ‘ବଜରଙ୍ଗୀ ଭାଇଜାନ’ ଫେମ୍ ସଲମାନ ଖାନଙ୍କ ନାମ ମଧ୍ୟ ସାମିଲ ଅଛି । ଷ୍ଟେମ୍ ସେଲ୍ ଦାନ ବିଷୟରେ ସଚେତନତା ପ୍ରସାର ପାଇଁ ସଲମାନ ତାଙ୍କର ଅସ୍ଥି ମଜ୍ଜା ଦାନ କରିବାକୁ ପ୍ରତିଜ୍ଞା କରିଛନ୍ତି ।ଆର ମାଧବନ ତାଙ୍କର ସମ୍ପୂର୍ଣ୍ଣ ଶରୀର ଦାନ କରିବାକୁ ନିଷ୍ପତ୍ତି ନେଇଥିଲେ, ଯେତେବେଳେ କମଲ ହାସନ ଆଖି ଠାରୁ କିଡନୀ ପର୍ଯ୍ୟନ୍ତ ସବୁକିଛି ଦାନ କରିବାକୁ ପ୍ରତିଶ୍ରୁତି ଦେଇଥିଲେ । କାଜଲ ଅଗ୍ରୱାଲଙ୍କ ପରି ଷ୍ଟାର ମଧ୍ୟ ଏହି ଲିଷ୍ଟରେ ସାମିଲ୍ ଅଛନ୍ତି ।ଏଥି ସହ ଜାଣିରଖନ୍ତୁ ଯେ, ଅଭିନେତ୍ରୀ ଏବଂ ଚଳଚ୍ଚିତ୍ର ନିର୍ମାତା ନନ୍ଦିତା ଦାସ ତାଙ୍କ ମୃତ୍ୟୁ ପରେ ତାଙ୍କର ସମସ୍ତ ଅଙ୍ଗଦାନ କରିବାକୁ ପ୍ରତିଜ୍ଞା କରିଛନ୍ତି । ଏହା ସହିତ ଜୁହି ଚାୱଲା ମଧ୍ୟ ତାଙ୍କ ଆଖି ଦାନ କରିବାକୁ ପ୍ରତିଜ୍ଞା କରିଛନ୍ତି ।