କୋରାପୁଟ,୧୧।୨ (ପ୍ରଭାତ କୁମାର ସୁତର, କୋରାପୁଟ ଜିଲ୍ଲା ପ୍ରତିନିଧି) ଗ୍ରିନଫିଲ୍ଡ ଆକ୍ସେସ୍-କଣ୍ଟ୍ରୋଲ୍ଡ ଛଅ ଲେନ ରାୟପୁର ଠାରୁ ବିଶାଖାପାଟନମ ଆର୍ଥିକ କରିଡୋର ଓଡ଼ିଶାରେ ସଂଯୋଗତା ଓ ଆଞ୍ଚଳିକ ଉନ୍ନତିକୁ ତ୍ବରାନ୍ୱିତ କରିବ। ଭାରତ ସରକାରଙ୍କ ରୋଡ ଟ୍ରାନ୍ସପୋର୍ଟ ଏବଂ ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟ ଅଧୀନରେ, ଜାତୀୟ ରାଜପଥ କର୍ତ୍ତୃପକ୍ଷ ଦ୍ୱାରା ଭାରତମାଳା ପରିଯୋଜନା ଅନ୍ତର୍ଗତ ଦେଶର ସବୁଠାରୁ ପ୍ରତିଷ୍ଠିତ ହାଇୱେ ଢାଞ୍ଚାଗତ ପ୍ରକଳ୍ପମାନଙ୍କ ମଧ୍ୟରୁ ଗୋଟିଏ ଛଅ-ଲେନ, ଗ୍ରିନଫିଲ୍ଡ, ଆକ୍ସେସ୍-କଣ୍ଟ୍ରୋଲ୍ଡ ରାୟପୁର–ବିଶାଖାପଟନମ ଆର୍ଥିକ କରିଡୋର ନିର୍ମାଣ କରାଯାଉଛି।ପ୍ରାୟ ୪୬୫ କି.ମି. ଲମ୍ବା ଏହି କରିଡୋର ଛତିଶଗଡ଼, ଓଡ଼ିଶା ଓ ଆନ୍ଧ୍ରପ୍ରଦେଶ ରାଜ୍ୟ ମାଧ୍ୟମରେ ରାୟପୁର ନିକଟସ୍ଥ ଅଭନପୁର ଠାରୁ ବିଶାଖାପଟନମ ନିକଟସ୍ଥ ସବ୍ବାବରମ ପର୍ଯ୍ୟନ୍ତ ସଂଯୋଗ ସୃଷ୍ଟି କରିବ। ପ୍ରାୟ ୧୬ ହଜାର କୋଟି ଟଙ୍କା ବ୍ୟୟରେ ନିର୍ମାଣାଧୀନ ଏହି ପ୍ରକଳ୍ପର ମୁଖ୍ୟ ଲକ୍ଷ୍ୟ ହେଉଛି ଆଞ୍ଚଳିକ ଯାତାୟାତ ଓ ମାଲବାହନକୁ ଦ୍ରୁତ,ସହଜ ଓ କ୍ଷମତାଶୀଳ କରିବା।ପୂର୍ବଘାଟ ପର୍ବତମାଳା ପରି କଠିନ ଭୂପୃଷ୍ଠ ଅଞ୍ଚଳ ମାଧ୍ୟମରେ ଯାଉଥିବା ଏହି କରିଡୋରକୁ ସମତଳ ଅଞ୍ଚଳରେ ଘଣ୍ଟା ପ୍ରତି ୧୦୦ କି.ମି. ଓ ପାହାଡ଼ିଆ ଅଞ୍ଚଳରେ ଘଣ୍ଟା ପ୍ରତି ୮୦ କି.ମି. ଗତି ପାଇଁ ଡିଜାଇନ୍ କରାଯାଇଛି, ଯାହା ସାର୍ବିକ ସଂଯୋଗତା ଓ ଆର୍ଥିକ କାର୍ଯ୍ୟକଳାପକୁ ଉନ୍ନତ କରିବ।ଏହି କରିଡୋର ଛତିଶଗଡ଼ର ରାୟପୁର,ଧମତରୀ ଓ କାଙ୍କେର, ଓଡ଼ିଶାର ନବରଙ୍ଗପୁର ଓ କୋରାପୁଟ ଏବଂ ଆନ୍ଧ୍ରପ୍ରଦେଶର ବିଜୟନଗରମ ଓ ବିଶାଖାପାଟଣା ଜିଲ୍ଲା ଦେଇ ଯାଉଛି। ପ୍ରକଳ୍ପ ସମାପ୍ତି ପରେ, ବର୍ତ୍ତମାନର ୫୯୪ କି.ମି. ରାୟପୁର–ବିଶାଖାପଟନମ ଯାତ୍ରା ଦୂରତା ପ୍ରାୟ ୭୦ କି.ମି. କମିବ ଏବଂ ଯାତ୍ରା ସମୟ ୧୪ ଘଣ୍ଟା ଠାରୁ କମି ୫–୬ ଘଣ୍ଟା ହେବ, ଯାହା ଯାତ୍ରୀ ଓ ଭାରୀ ମାଲବାହୀ ଯାନ ପାଇଁ ବଡ଼ ସୁବିଧା ଆଣିବ।ଏହି ପ୍ରକଳ୍ପକୁ ହାଇବ୍ରିଡ୍ ଆନ୍ୟୁଇଟି ମଡେଲ ଅଧୀନରେ ୧୫ଟି ପ୍ୟାକେଜ୍ ଭାଗରେ ନିର୍ମାଣ କରାଯାଉଛି ,ତନ୍ମମଧ୍ୟରୁ ଛତିଶଗଡ଼ରେ ୩ଟି, ଓଡ଼ିଶାରେ ୮ଟି ଓ ଆନ୍ଧ୍ରପ୍ରଦେଶରେ ୪ଟି ପ୍ୟାକେଜ୍ ରହିଛି। ଏହାସହିତ ମୋଟ ୩ଟି ଟନେଲ୍ (ଛତିଶଗଡ଼ରେ ୧ଟି ଓ ଓଡ଼ିଶାରେ ୨ଟି) ନିର୍ମାଣ ହେଉଛି। ସମସ୍ତ ପ୍ୟାକେଜ୍ର କାମ ଉନ୍ନତ ପର୍ଯ୍ୟାୟରେ ଅଛି ଏବଂ ଓଡ଼ିଶା ଅଂଶ ଜୁନ ୨୦୨୬ ସୁଦ୍ଧା ସମ୍ପୂର୍ଣ୍ଣ ହେବାର ଲକ୍ଷ୍ୟ ରହିଛି।କୋରାପୁଟ ଜିଲ୍ଲାରେ ୭ଟି ଇଣ୍ଟରଚେଞ୍ଜ (ପ୍ରବେଶ/ପ୍ରସ୍ଥାନ ସ୍ଥାନ) ରହିଛି।ସ୍ଥାନୀୟ ସଂଯୋଗତାକୁ ସୁଦୃଢ଼ କରିବା ପାଇଁ କୋରାପୁଟ ଜିଲ୍ଲାରେ ନିମ୍ନଲିଖିତ ସ୍ଥାନମାନଙ୍କରେ ୭ଟି ଇଣ୍ଟରଚେଞ୍ଜ ପ୍ରସ୍ତାବିତ୧.କି.ମି.୨୪୭.୭ ନିକଟରେ, ବୋରିଗୁମ୍ମା ତହସିଲ୍ ଅନ୍ତର୍ଗତ କାଳିଆଗୁରା ଗ୍ରାମ —ଏନଏଚ୨୬ ସହିତ ସଂଯୋଗ୨.କି.ମି. ୨୬୦.୪ନିକଟରେ, ବୋରିଗୁମ୍ମା ତହସିଲ୍ ଅନ୍ତର୍ଗତ ବେନାସୁର ଗ୍ରାମ — ମେଜର ଡିଷ୍ଟ୍ରିକ୍ଟ ରୋଡ ସହିତ ସଂଯୋଗ୩.କି.ମି.୨୯୦.୨ ନିକଟରେ, କୋରାପୁଟ ତହସିଲ୍ ଅନ୍ତର୍ଗତ ତାଳା ଗ୍ରାମ —ଏନଏଚ ୩୨୬ ସହିତ ସଂଯୋଗ୪. କି.ମି.୩୧୦.୬ ନିକଟରେ, ସେମିଳିଗୁଡ଼ା ତହସିଲ୍ ଅନ୍ତର୍ଗତ ନାଲକୋ ଛକ ନିକଟସ୍ଥ ଲୁଙ୍ଗୁରୀ ଗ୍ରାମ —ଏନଏଚ୨୬ ସହିତ ସଂଯୋଗ୫.କି.ମି.୩୧୯.୫ ନିକଟରେ, ସେମିଳିଗୁଡ଼ା ତହସିଲ୍ ଅନ୍ତର୍ଗତ କୁଣ୍ଡୁଳି ଗ୍ରାମ —ଏନଏଚ ୨୬ ସହିତ ସଂଯୋଗ୬. କି.ମି.୩୩୭.୧ ନିକଟରେ, ପଟ୍ଟାଙ୍ଗୀ ତହସିଲ୍ ଅନ୍ତର୍ଗତ ବରାଜା ଗ୍ରାମ —ମେଜର ଡିଷ୍ଟ୍ରିକ ରୋଡ ସହିତ ସଂଯୋଗ୭.. କି.ମି. ୩୫୨.୮ ନିକଟରେ, ପଟ୍ଟାଙ୍ଗୀ ତହସିଲ୍ ଅନ୍ତର୍ଗତ ଆମ୍ପାବାଲି ନିକଟସ୍ଥ ତଳଗୋଲାର ଗ୍ରାମ —ମେଜର ଡ଼ିଷ୍ଟ୍ରିକ ରୋଡସହିତ ସଂଯୋଗଏହି ଇଣ୍ଟରଚେଞ୍ଜଗୁଡ଼ିକ ଦ୍ୱାରା ସ୍ଥାନୀୟ ଯାତାୟାତ ସୁଗମ ହେବ ଏବଂ ନିକଟସ୍ଥ ଗାଁ ଓ ସହରମାନଙ୍କ ସହିତ କରିଡୋରର ସଂଯୋଗ ଅଧିକ ମଜବୁତ ହେବ।
ଓଡି ୦୭ ପ୍ୟାକେଜ୍ (କୋରାପୁଟ)ଏହି ଛୋଟ ଅଂଶ କରିଡୋରର ନିରବିଘ୍ନ ସଂଯୋଗ ଓ ସତତାକୁ ସୁନିଶ୍ଚିତ କରେ। ଏଠାରେ ଓଡ଼ିଶାର ପ୍ରଥମ ଛଅ-ଲେନ୍ ଟ୍ୱିନ୍-ସେଲ୍ ହାଇୱେ ଟନେଲ୍ (୩.୪୨ କି.ମି.) ନିର୍ମିତ ହୋଇଛି। ଟନେଲ୍ରେ କ୍ରସ୍ ପାସେଜ୍, ଜେଟ୍ ଫ୍ୟାନ୍, ଆଧୁନିକ ଅଗ୍ନିନିର୍ବାପଣ ପ୍ରଣାଳୀ ଏବଂ ଦୁଇ ପାର୍ଶ୍ୱରେ କଣ୍ଟ୍ରୋଲ୍ ସେଣ୍ଟର ରହିଛି, ଯାହା ସୁରକ୍ଷିତ ଓ ସୁଚାରୁ ଯାତାୟାତ ସୁନିଶ୍ଚିତ କରେ।
ଓଡ଼ି-୦୮ପ୍ୟାକେଜ୍ କାଣ୍ଡିଲି ଠାରୁ ଟୁମ୍ବିଗୁରା ପର୍ଯ୍ୟନ୍ତ ୨୨.୫ କି.ମି. ଲମ୍ବା ଏହି ଅଂଶ ପୂର୍ବ ଘାଟର କଠିନ ଭୂପୃଷ୍ଠ ମାଧ୍ୟମରେ ନିର୍ମିତ। ଏଥିରେ ହାଇୱେ, ବଡ଼ ଢାଞ୍ଚା, ଟନେଲ୍, ଭିଆଡକ୍ଟ, ବଡ଼ ଓ ଛୋଟ ବ୍ରିଜ୍, ବକ୍ସ କଲଭର୍ଟ, ଭେହିକଲ୍ ଅଣ୍ଡରପାସ୍, ବନ୍ୟପ୍ରାଣୀ କ୍ରସିଂ, ମଙ୍କି କ୍ୟାନୋପି ଓ ନୋଇଜ୍ ବ୍ୟାରିଅର୍ ସାମିଲ୍ ଅଛି, ଯାହା ସୁରକ୍ଷା ଓ ପରିବେଶ ସଂରକ୍ଷଣକୁ ଗୁରୁତ୍ୱ ଦେଇ ଡିଜାଇନ୍ କରାଯାଇଛି।
ପ୍ରକଳ୍ପର ଲାଭ
ପ୍ରକଳ୍ପ ସମାପ୍ତି ପରେ ଓଡ଼ିଶାର ଆନ୍ତର୍ଜିଲ୍ଲା ଯାତାୟାତ ସୁଦୃଢ଼ ହେବ, ବିଶାଖାପଟ୍ଟଣମ ପରି ବନ୍ଦର ନଗରମାନଙ୍କ ସହିତ ମାଲ ପରିବହନ ଦ୍ରୁତ ହେବ। ସ୍ୱାସ୍ଥ୍ୟ ଓ ଶିକ୍ଷା କେନ୍ଦ୍ରଗୁଡ଼ିକୁ ପହଞ୍ଚ ସହଜ ହେବ। କୃଷକ ଓ ଜଙ୍ଗଲ ଭିତ୍ତିକ ସମୁଦାୟମାନେ ତାଙ୍କ ଉତ୍ପାଦ ଶୀଘ୍ର ସହର ବଜାରକୁ ପହଞ୍ଚାଇ ପାରିବେ, ଯାହାରୁ ଖର୍ଚ୍ଚ ଓ ନଷ୍ଟ କମିବ।ଏହା ସହିତ ଦୁର୍ଗମ ଗାଁଗୁଡ଼ିକୁ ଜିଲ୍ଲା ମୁଖ୍ୟାଳୟ ଓ ଆବଶ୍ୟକୀୟ ସେବା ସହିତ ଯୋଡ଼ିବ, ଭବିଷ୍ୟତରେ ଫିଡର୍ ରୋଡ୍, ୟୁଟିଲିଟି ଓ ପର୍ଯ୍ୟଟନ ଢାଞ୍ଚା ବିକାଶକୁ ସମର୍ଥନ କରିବ ଏବଂ ନବରଙ୍ଗପୁର ଓ କୋରାପୁଟ ପରି ଆଦିବାସୀ ଗ୍ରାମୀଣ ଅଞ୍ଚଳମାନଙ୍କର ବିଚ୍ଛିନ୍ନତା କମାଇବ।
ରାୟପୁର–ବିଶାଖାପାଟଣା ଆର୍ଥିକ କରିଡୋର (ଏନଏଚ- ୧୩୦ସିଡି) ଭାରତ ସରକାରଙ୍କ ଦୃଢ଼ ପ୍ରତିବଦ୍ଧତାର ପ୍ରତୀକ, ଯାହା ଦେଶରେ ବିଶ୍ୱସ୍ତରୀୟ ହାଇୱେ ଢାଞ୍ଚା, ସମାବେଶୀ ଉନ୍ନତି, ସୁଦୃଢ଼ ସଂଯୋଗତା ଓ ଦୀର୍ଘକାଳୀନ ଆର୍ଥିକ ସମୃଦ୍ଧିକୁ ପ୍ରୋତ୍ସାହିତ କରୁଛି।