ପ୍ରୟାଗରାଜ: ମୌନୀ ଅମାବାସ୍ୟା ରାତିରେ ମହା କୁମ୍ଭମେଳାରେ ଦଳାଚକଟା ହୋଇଥିଲା। ଏଥିରେ ୩୦ଜଣଙ୍କର ମୃତ୍ୟୁ ହୋଇଥିଲା। ଅନେକ ଲୋକ ଆହତ ହୋଇଥିବା କୁହାଯାଉଛି। ଏହି ଘଟଣା ପରଠାରୁ ମୃତକଙ୍କ ସଂଖ୍ୟାକୁ ନେଇ ବିଭିନ୍ନ ପ୍ରଶ୍ନ ଉଠିଛି କାରଣ ନିଖୋଜ ଲୋକଙ୍କ ସଂଖ୍ୟା ଅଧିକ ବୋଲି କୁହାଯାଉଛି।ଦଳାଚକଟା ଘଟଣା ପରେ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେବାରେ ଲାଗିଛି, ଯେଉଁଥିରେ ଲୋକେ କାନ୍ଦିକାନ୍ଦି ନିଜ ପ୍ରିୟଜନଙ୍କୁ ଖୋଜୁଥିବା ଦେଖିବାକୁ ମିଳୁଛି। ସେଥିମଧ୍ୟରୁ ୫ ଭିଡିଓ ମିଡିଆରେ ଅଧିକ ଭାଇରାଲ ହେବାରେ ଲାଗିଛି ।
ଏକ ଭାଇରାଲ ଭିଡିଓରେ ଲୋକେ ମେଳାର ଗୋଟିଏ ପଟୁ ଅନ୍ୟ ପଟ ପର୍ଯ୍ୟନ୍ତ ନିଜ ନିଜ ପ୍ରିୟ ପରିଜନଙ୍କୁ ମୋବାଇଲରେ ସେମାନଙ୍କ ଫଟୋ ଧରି ଖୋଜୁଛନ୍ତି। ଏଭଳି ଖୋଜୁଥିବା ଲୋକଙ୍କ ମଧ୍ୟରେ ମହିଳା, ବୃଦ୍ଧ ଏବଂ ପିଲା ରହିଛନ୍ତି। ଅନ୍ୟ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ମୃତକଙ୍କ ଫଟୋ ଦୃଶ୍ୟମାନ ହେଉଛି। କୁହାଯାଉଛି ଯେ, ଏହି ଭିଡିଓ ପୋଷ୍ଟମର୍ଟମ ଘର ବାହାରେ ଲଗାଯାଇଛି। ଯେଉଁଥିରେ ମୃତକଙ୍କ ଫଟୋ ରହିଛି। ଏହି ଫଟୋ ଲଗାଯାଇଛି ଯାହା ଦ୍ବାରା ପରିବାର ସଦସ୍ୟମାନେ ଫଟୋ ଦେଖି ନିଜ ପ୍ରିୟ ପରିଜଜନଙ୍କୁ ଚିହ୍ନି ପାରିବେ ।
ଏକ ଭିଡିଓ ଜଣେ ବ୍ୟକ୍ତି ମହାକୁମ୍ଭରେ ନିଜ ଭାଇକୁ ଖୋଜୁଛନ୍ତି। ବ୍ୟକ୍ତି ଜଣକ କହିଛନ୍ତି ଯେ ତାଙ୍କ ଭାଇ ଜାନୁଆରୀ ୨୮ରୁ ନିଖୋଜ ଅଛନ୍ତି। ନିଖୋଜ ଅଭିଯୋଗ ପୁଲିସ ନିକଟରେ ଦାଖଲ କରାଯାଇଛି। ହଜିଯାଇଥିବା ଏବଂ ମିଳୁଥିବା କେନ୍ଦ୍ରରୁ କ୍ରମାଗତ ଭାବରେ ଘୋଷଣା କରାଯାଉଛି କିନ୍ତୁ ଭାଇଙ୍କ ବିଷୟରେ କିଛି ଜଣା ପଡିନାହିଁ। ଆଦିତ୍ୟ ପଟେଲ ନାମକ ଜଣେ ବ୍ୟକ୍ତି କହିଛନ୍ତି ଯେ, ସେ ପ୍ରୟାଗର ବାସିନ୍ଦା, ଅନେକ ଲୋକ ଖୋଜାଖୋଜି କରୁଛନ୍ତି କିନ୍ତୁ କୌଣସି ଖବର ମିଳିନାହିଁ ।
ଅନ୍ୟ ଏକ ଭିଡିଓରେ ପୁଲିସ ଜଣେ ସାମ୍ବାଦିକଙ୍କୁ ଠେଲି ଦେଉଥିବାର ନଜର ଆସିଛନ୍ତି। କୁହାଯାଉଛି ଯେ, ସାମ୍ବାଦିକ ମହାକୁମ୍ଭରେ ନିର୍ମିତ ଡାକ୍ତରଖାନାରେ ପ୍ରବେଶ କରି ତଥ୍ୟ ସଂଗ୍ରହ କରିବାକୁ ଚେଷ୍ଟା କରୁଥିଲେ। ପୁଲିସ କର୍ମଚାରୀମାନେ ତାଙ୍କୁ ଡାକ୍ତରଖାନାରୁ ଠେଲି ବାହାର କରି ଦେଇଥିଲେ। ଏହି କାରଣରୁ ପୁଲିସର ସମ୍ବେଦନଶୀଳତା ଉପରେ ମଧ୍ୟ ପ୍ରଶ୍ନ ଉଠିଛି ।
ଦଳାଚକଟାରେ ୩୦ଜଣଙ୍କ ମୃତ୍ୟୁକୁ ପୁଲିସ ନିଶ୍ଚିତ କରିଛି। କିନ୍ତୁ ଲୋକମାନେ ଏହି ଆକଳନ ଉପରେ ପ୍ରଶ୍ନ ଉଠାଉଛନ୍ତି। ଏହା ସହିତ, ଗୋଟିଏ କିମ୍ବା ଦୁଇଟି ନୁହେଁ ବରଂ ତିନୋଟି ସ୍ଥାନରେ ଦଳାଚକଟା ଖବର ଆସୁଛି। ତେବେ ସେସବୁ ବିଷୟରେ ସଠିକ୍ ସୂଚନା ନାହିଁ ବୋଲି ପ୍ରଶାସନ କହିଛି ।