ନୂଆଦିଲ୍ଲୀ (ଏଜେନ୍ସି): ଦିଲ୍ଲୀର ଆମ୍ ଆଦମୀ ପାର୍ଟିକୁ ଲାଗିଛି ବଡ଼ ଝଟକ । ନିର୍ବାଚନକୁ ନେଇ ସାରା ଦେଶରେ ମାହୋଲ ପୂରା ଉଶ୍ମ ରହିଥିବା ବେଳେ ଆପ୍ ସରକାର ପାଇଁ ଆଉ ଏକ ଖରାପ ଖବର ଆସିଛି । ଆପ୍ ବିଧାୟକ ଅମାନତୁଲ୍ଲା ଖାନଙ୍କ ଗିରଫଦାରୀ ଖବର ବାହାରକୁ ଆସୁଛି । ସୂଚନାନୁସାରେ, ୱାକଫ ବୋର୍ଡ ନିଯୁକ୍ତି ସ୍କାମ ମାମଲାରେ ଇଡି ଅମାନତୁଲ୍ଲାଙ୍କୁ ଗିରଫ କରିଛି । ଗିରଫ ଖବର ମଧ୍ୟରେ ଆପ୍ ର ବହୁ ବଡ ନେତା ଅମାନତୁଲ୍ଲାଙ୍କ ଘରେ ପହଞ୍ଚିବା ଆରମ୍ଭ କରିଛନ୍ତି ।
ଏହି କ୍ରମରେ ମନ୍ତ୍ରୀ ଅଟଳ ଏବଂ ରାଜ୍ୟସଭା ସାଂସଦ ସଞ୍ଜୟ ସିଂ ମଧ୍ୟ ତାଙ୍କ ଘରକୁ ଯାଇଛନ୍ତି । ସଞ୍ଜୟ ସିଂ ଏକ୍ସ ରେ ଲେଖିଛନ୍ତି ମୋଦୀ ସରକାର ଅପରେସନ୍ ଲୋଟସରେ ସମ୍ପୃକ୍ତ ଥିବାବେଳେ ମନ୍ତ୍ରୀ ଏବଂ ବିଧାୟକଙ୍କୁ ସେମାନଙ୍କ ବିରୋଧରେ ନକଲି ମାମଲା ରୁଜୁ କରାଯାଇ ଗିରଫ କରାଯାଉଛି । ତାଙ୍କ ବିରୋଧରେ ଭିତ୍ତିହୀନ ମାମଲା ରୁଜୁ କରି ଇମାନତୁଲ୍ଲା ଖାନଙ୍କୁ ଗିରଫ କରିବାକୁ ଇଡି ପ୍ରସ୍ତୁତ ହେଉଛି । ଏକଛତ୍ରବାଦୀ ଶାସନ ଶୀଘ୍ର ଶେଷ ହେବ । ମୁଁ ତାଙ୍କ ପରିବାରକୁ ଭେଟିବାକୁ ଯାଉଛି ।
ସୂଚନାନୁସାରେ ୱାକଫ ବୋର୍ଡ ନିଯୁକ୍ତି ସ୍କାମରେ ତାଙ୍କୁ ପିଏମଏଲଏ ଅଧୀନରେ ଗିରଫ କରାଯାଇଥିଲା । ପ୍ରାୟ ୯ ଘଣ୍ଟା ପଚରାଉଚରା ପରେ ଇଡି ତାଙ୍କୁ ଗିରଫ କରିଥିଲା । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଗୁରୁବାର (ଏପ୍ରିଲ ୧୮) ରେ ବିଧାୟକ ଅମାନତୁଲ୍ଲାହ ଖାନ ପଚରାଉଚରା ପାଇଁ ଇଡିରେ ହାଜର ହୋଇଥିଲେ । ଅମାନତୁଲ୍ଲାହ ଖାନଙ୍କ ଉପରେ ଅଭିଯୋଗ ହୋଇଛି କି ଦିଲ୍ଲୀ ୱାକଫ ବୋର୍ଡର ଚେୟାରମ୍ୟାନ ଭାବରେ ୩୨ଜଣଙ୍କୁ ବେଆଇନ ଭାବେ ନିଯୁକ୍ତି ଦେଇଥିଲେ ।
ଏହା ସହିତ ସେ ବେଆଇନ ଭାବେ ଦିଲ୍ଲୀ ୱାକଫ ବୋର୍ଡର ଅନେକ ସମ୍ପତ୍ତି ଭଡାରେ ଦେଇଛନ୍ତି । ଏହାସହ ସେ ଦିଲ୍ଲୀ ୱାକଫ ବୋର୍ଡର ପାଣ୍ଠିର ଅପବ୍ୟବହାର କରିଥିବା ଅଭିଯୋଗ ହୋଇଛି । ଦିଲ୍ଲୀ ୱାକଫ ବୋର୍ଡର ତତ୍କାଳୀନ ସିଇଓ ଏଭଳି ବେଆଇନ ନିଯୁକ୍ତି ବିରୋଧରେ ଏକ ବିବୃତ୍ତି ଦେଇଛନ୍ତି ।