ନୂଆଦିଲ୍ଲୀ (ଏଜେନ୍ସି): ବିଜେପି ପ୍ରାର୍ଥୀ ମୁକେଶ ଦଲାଲ ସୁରଟରେ ନିର୍ବିରୋଧ ନିର୍ବାଚିତ ହୋଇଛନ୍ତି । ରାଜ୍ୟ ବିଜେପି ସଭାପତି ସିଆର ପାଟିଲ ଏହି ସୂଚନା ଦେଇଛନ୍ତି । ସୁରଟରେ କଂଗ୍ରେସ ପ୍ରାର୍ଥୀ ନୀଲେଶ କୁମ୍ବାନୀଙ୍କ ନାମାଙ୍କନ ବାତିଲ କରାଯାଇଥିଲା । ଏଥି ସହିତ ବିଏସପିର ପ୍ୟାରେଲାଲ ଭାରତୀ ଏହି ଆସନରୁ ତାଙ୍କ ନାମାଙ୍କନ ପ୍ରତ୍ୟାହାର କରି ନେଇଛନ୍ତି । ଏହା ପରେ ସେଠାରେ କୌଣସି ପ୍ରାର୍ଥୀ ନିର୍ବାଚନୀ ମଇଦାନରେ ନାହାନ୍ତି । ଏଭଳି ପରିସ୍ଥିତିରେ ବିଜେପିର ମୁକେଶ ଦଲାଲ ବିନା ନିର୍ବାଚନରେ ନିର୍ବାଚିତ ହେବେ ବୋଲି ନିଶ୍ଚିତ କରାଯାଇଛି । ଅନ୍ୟ ସମସ୍ତ ପ୍ରାର୍ଥୀ ମଧ୍ୟ ସେମାନଙ୍କର ପ୍ରାର୍ଥୀପତ୍ର ପ୍ରତ୍ୟାହାର କରିନେଇଛନ୍ତି ।
ଫର୍ମରେ ପ୍ରସ୍ତାବକଙ୍କ ଦସ୍ତଖତରେ ଅସଙ୍ଗତି ହେତୁ ପାର୍ଟି ପ୍ରାର୍ଥୀ ନୀଲେଶ କୁମ୍ବାନୀଙ୍କ ନାମାଙ୍କନ ଫର୍ମ ବାତିଲ କରିବାକୁ ରିଟର୍ଣ୍ଣିଂ ଅଫିସରଙ୍କ ନିଷ୍ପତ୍ତି ବିରୋଧରେ ଗୁଜୁରାଟ ହାଇକୋର୍ଟରେ କଂଗ୍ରେସ ଏକ ପିଟିସନ ଦାଖଲ କରିବ । କଂଗ୍ରେସ ବର୍ତ୍ତମାନ ସୁରଟ ନିର୍ବାଚନମଣ୍ଡଳୀର ନିର୍ବାଚନ ଲଢେଇରୁ ବାହାରିଯାଇଛି ।