କଟକ: ପୁରୀ ଶ୍ରୀଜଗନ୍ନାଥ ମନ୍ଦିରର ରତ୍ନ ଭଣ୍ଡାରର ଚାବି ହଜିବା ଅଭିଯୋଗକୁ ନେଇ ସୃଷ୍ଟି ହୋଇଥିବା ବିବାଦ ରାଜ୍ୟରେ ସାଧାରଣ ଲୋକଙ୍କ ଦୃଷ୍ଟି ଆକର୍ଷଣ କରିଛି।ତଦନ୍ତ କମିସନଙ୍କ ରିପୋର୍ଟ ଖୁବ୍ ଶୀଘ୍ର ରାଜ୍ୟ କ୍ୟାବିନେଟ୍ ସମ୍ମୁଖରେ ଉପସ୍ଥାପିତ ହେବ ବୋଲି ଆଡଭୋକେଟ୍ ଜେନେରାଲ ପୀତାମ୍ବର ଆଚାର୍ଯ୍ୟ ସୋମବାର ଓଡ଼ିଶା ହାଇକୋର୍ଟଙ୍କୁ ସୂଚନା ଦେଇଛନ୍ତି।ଚାବି ହଜିବା ମାମଲାର ତଦନ୍ତ ପାଇଁ ପୂର୍ବରୁ ଏକ ତଦନ୍ତ କମିସନ ଡକାଯାଇଥିଲା। କମିସନ ରିପୋର୍ଟ ଖୁବ୍ ଶୀଘ୍ର ରାଜ୍ୟ କ୍ୟାବିନେଟ୍ ଦ୍ୱାରା ସମୀକ୍ଷା କରାଯିବ ବୋଲି କୁହାଯାଉଛି ।
ସୂତ୍ର ଅନୁଯାୟୀ, ଆଡଭୋକେଟ୍ ଜେନେରାଲ ଏହି ଘଟଣାଗୁଡ଼ିକ ବିଷୟରେ କୋର୍ଟଙ୍କୁ ସୂଚନା ଦେଇଛନ୍ତି। ଏହାର ପରବର୍ତ୍ତୀ ଶୁଣାଣି ମେ’୧୫ ରେ ହେବ ବୋଲି ସ୍ଥିର କରାଯାଇଛି। ସୂଚନାଯୋଗ୍ୟ, ୨୦୧୮ ମସିହାରେ ଓଡ଼ିଶା ହାଇକୋର୍ଟଙ୍କ ନିର୍ଦ୍ଦେଶରେ ହୋଇଥିବା ଯାଞ୍ଚ୍ ସମୟରେ ପୁରୀ ଜିଲ୍ଲା କର୍ତ୍ତୃପକ୍ଷ ରତ୍ନ ଭଣ୍ଡାରର ଭିତର ଚାବିଗୁଡ଼ିକୁ ଖୋଜି ପାରି ନଥିବାରୁ ବିବାଦ ଆରମ୍ଭ ହୋଇଥିଲା। ଜଷ୍ଟିସ ରଘୁବୀର ଦାସଙ୍କ ନେତୃତ୍ୱରେ ଏକ ନ୍ୟାୟିକ କମିସନ ଗଠନ ପରେ ଡୁପ୍ଲିକେଟ ଚାବିଗୁଡ଼ିକ ନିଖୋଜ ହେବାର ଦୁଇ ମାସ ପରେ ଜିଲ୍ଲା ରେକର୍ଡ ରୁମ୍ରେ ରହସ୍ୟମୟ ଭାବରେ ରଖାଯାଇଥିବା ଦେଖିବାକୁ ପାଇଥିଲେ, ଯାହା ମନ୍ଦିର ପ୍ରଶାସନର ଦାୟିତ୍ୱ ଉପରେ ପ୍ରଶ୍ନ ଉଠାଇଥିଲା।ପରବର୍ତ୍ତୀ ସମୟରେ,ବିଜେପି ରତ୍ନ ଭଣ୍ଡାର ଚାବି ହଜିବାକୁ ଏକ ପ୍ରମୁଖ ନିର୍ବାଚନୀ ପ୍ରସଙ୍ଗ କରିଥିଲା, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଭିଯୋଗ କରିଥିଲେ ଯେ, ବିଜେଡି ନ୍ୟାୟିକ ରିପୋର୍ଟକୁ ଚାପି ଦେଇଛି। ବିଜେପି ଏହାକୁ ନବୀନ ପଟ୍ଟନାୟକଙ୍କ ସହଯୋଗୀ ତଥା ରାଜନୈତିକ ପରାମର୍ଶଦାତା ଭିକେ ପାଣ୍ଡିଆନଙ୍କ ମାଧ୍ୟମରେ ତାମିଲନାଡୁ ସଂଯୋଗ ଉପରେ ଇଙ୍ଗିତ କରିଥିଲା ।