ବ୍ରହ୍ମପୁର(ଅମରେନ୍ଦ୍ର କୁମାର ପଟ୍ଟନାୟକ, ଓଡ଼ିଶା ଟୁଡେ): ଭାରତର ବିମାନ ଚଳାଚଳ ଏବଂ ପ୍ରତିରକ୍ଷା କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଥିବା ପ୍ରସିଦ୍ଧ ବୈଜ୍ଞାନିକ ଏବଂ ହାଲୁକା ଲଢ଼ୁଆ ବିମାନ ତେଜସ୍ ପ୍ରକଳ୍ପର ପୂର୍ବତନ ନିର୍ଦ୍ଦେଶକ, ଶ୍ରୀ କୋଟା ହରିନାରାୟଣଙ୍କୁ ମାନ୍ୟବର ବିଧାୟକ ଶ୍ରୀ କେ. ଅନିଲ କୁମାରଙ୍କ ପକ୍ଷରୁ ବ୍ରହ୍ମପୁରସ୍ଥିତ ତାଙ୍କ ବାସଭବନରେ ସମ୍ମାନିତ କରାଯାଇଥିଲା।ଏହି ସମ୍ବର୍ଦ୍ଧନା ସମାରୋହ ମାଧ୍ୟମରେ, ତାଙ୍କର ଜ୍ଞାନ, ଦକ୍ଷତା ଏବଂ ଦେଶପ୍ରେମକୁ କୃତଜ୍ଞତାର ସହିତ ସ୍ୱୀକୃତି ଏବଂ ପାଳନ କରାଯାଇଥିଲା। ଏହି ଅବସରରେ, ବିଧାୟକ ଶ୍ରୀ କେ. ଅନିଲ କୁମାର କହିଥିଲେ, “ଶ୍ରୀ ହରିନାରାୟଣଙ୍କ ବିଶେଷଜ୍ଞତା ଏବଂ ଦକ୍ଷତା ଏବେ ସମଗ୍ର ଦେଶ ପାଇଁ ପ୍ରେରଣାର ଉତ୍ସ।”ଏହି କାର୍ଯ୍ୟକ୍ରମରେ ଅନେକ ବିଶିଷ୍ଟ ବ୍ୟକ୍ତି, ଶିକ୍ଷାବିତ୍ ଏବଂ ନାଗରିକ ଉପସ୍ଥିତ ଥିଲେ ।