ହାଇଦ୍ରାବାଦ: ‘ସିକନ୍ଦର’ ପରେ ବଲିଉଡ ଭାଇଜାନ ସଲମାନ ଖାନ ‘ବ୍ୟାଟଲ୍ ଅଫ୍ ଗାଲୱାନ୍’ ସହ ପୁଣି ପରଦାକୁ ଫେରୁଛନ୍ତି । ଚଳିତ ବର୍ଷ ସଲମାନ ଖାନ ସୋସିଆଲ ମିଡିଆରେ ଟିଜର ପୋଷ୍ଟର ସେୟାର କରି ତାଙ୍କର ନୂତନ ଫିଲ୍ମ ଘୋଷଣା କରିଥିଲେ । ସଲମାନ ଖାନ ଏହି ସିନେମା ପାଇଁ ବହୁତ ଦିନ ଧରି ଜୋରଦାର ଟ୍ରେନିଂ ନେଉଥିଲେ । ଏବେ ସଲମାନ ଖାନଙ୍କ ପ୍ରଶଂସକଙ୍କ ଅପେକ୍ଷା ଶେଷ ହୋଇଛି କାରଣ ସେ ‘ବ୍ୟାଟଲ୍ ଅଫ୍ ଗାଲୱାନ୍’ର ସୁଟିଂ ଆରମ୍ଭ କରିଛନ୍ତି । ଲଦାଖରେ ଥିବା ଏହି ସିନେମା ସେଟରୁ ସଲମାନ ଖାନଙ୍କ ପ୍ରଥମ ଫଟୋ ଭାଇରାଲ ହେବାରେ ଲାଗିଛି । ସେପଟେ ନିର୍ଦ୍ଦେଶକ ସୋସିଆଲ ମିଡିଆରେ ସୁଟିଂ ସେଟର ଝଲକ ମଧ୍ୟ ଦେଖାଇଛନ୍ତି ।
‘ବ୍ୟାଟେଲ ଅଫ ଗଲୱାନ’ ସୁଟିଂ ଆରମ୍ଭଫିଲ୍ମର ନିର୍ଦ୍ଦେଶକ ଅପୂର୍ବ ଲାଖିଆ ସୋସିଆଲ ମିଡିଆରେ ଫିଲ୍ମ ‘ବ୍ୟାଟେଲ ଅଫ୍ ଗଲୱାନ’ର ପୂଜା ସେରମନି ଏବଂ ସୁଟିଂ ସ୍ଥାନର ଫଟୋ ଏବଂ ଭିଡିଓ ସେୟାର କରିଛନ୍ତି । ପୂର୍ବରୁ କୁହାଯାଉଥିଲା ଯେ ଭାରତ ଏବଂ ଚୀନ ମଧ୍ୟରେ ଖରାପ ସମ୍ପର୍କ ଯୋଗୁଁ ଫିଲ୍ମଟି ବନ୍ଦ କରାଯାଇଥିଲା । କହିରଖୁଛୁ ଯେ, ଭାରତ ଏବଂ ଚୀନ ମଧ୍ୟରେ ଗାଲୱାନ ଉପତ୍ୟକା ଯୁଦ୍ଧ ହୋଇଥିଲା, ଯାହା ପରେ ଦୁଇ ଦେଶ ମଧ୍ୟରେ ସମ୍ପର୍କ ବହୁତ ଜଟିଳ ହୋଇଯାଇଥିଲା । ସେହି ସମୟରେ, ସଲମାନ ଖାନଙ୍କ ଶେଷ ଫିଲ୍ମ ସିକନ୍ଦର ଫ୍ଲପ୍ ହେବା ପରେ, ବ୍ୟାଟେଲ ଅଫ୍ ଗାଲୱାନ ଘୋଷଣା କରାଯାଇଥିଲା ଏବଂ ଏଥିରେ ସଲମାନ ଖାନଙ୍କ ପ୍ରଥମ ଲୁକ୍ ମଧ୍ୟ ଦେଖିବାକୁ ମିଳିଥିଲା । ଏବେ ବ୍ୟାଟେଲ ଅଫ୍ ଗାଲୱାନର ସେଟରୁ ଅନେକ ଫଟୋ ସାମ୍ନାକୁ ଆସିଛି ।
ସଲମାନ ଖାନଙ୍କ ଫଟୋ ଭାଇରାଲ୍୨୧ ଅଗଷ୍ଟ ରାତିରେ, ଟ୍ରେଡ ଆନାଲିଷ୍ଟ ତରଣ ଆଦର୍ଶ ‘ବ୍ୟାଟେଲ ଅଫ ଗଲୱାନ’ ସେଟର ଏକ ଫଟୋ ସେୟାର କରିଛନ୍ତି, ଯେଉଁଥିରେ ସଲମାନ ଖାନ ସେଟରେ ଠିଆ ହୋଇଥିବାର ଦେଖାଯାଉଛି । ଏହି ପୋଷ୍ଟ ସେୟାର କରି ସେ ଲେଖିଛନ୍ତି, ସୁପରଷ୍ଟାର ସଲମାନ ଖାନ ଗାଲୱାନ ଭ୍ୟାଲିରେ ପାଦ ଦେଇଛନ୍ତି, ତାଙ୍କର ଆଭା, ତାଙ୍କର ପ୍ରବଳ ଶକ୍ତି, ଜୀବନଠାରୁ ବଡ଼ ପ୍ରବେଶ ଏବଂ ଦେଶପ୍ରେମର ଭାବନା ଫିଲ୍ମକୁ ଏକ ଭିନ୍ନ ସ୍ତରକୁ ନେଇଯାଇଛି । ସେପଟେ ଫିଲ୍ମର ନିର୍ଦ୍ଦେଶକ ଇନଷ୍ଟାଗ୍ରାମ ଷ୍ଟୋରୀରେ ସୁଟିଂ ସେଟର ଫଟୋ ଏବଂ ଭିଡିଓ ସେୟାର କରିଛନ୍ତି ଏବଂ କହିଛନ୍ତି ଯେ ଫିଲ୍ମର ତିନି ଦିନର ସୁଟିଂ ଶେଷ ହୋଇଛି ।