ସାମ୍ନାକୁ ଆସିଲା ଅକ୍ଷୟ କୁମାରଙ୍କ ଝଲକ । ସେ ପୁଣିଥରେ ଦେଖାଇ ଦେଇଛନ୍ତି ଯେ ତାଙ୍କୁ ବଲିଉଡର ସବୁଠାରୁ ଦୟାଳୁ ଅଭିନେତାମାନଙ୍କ ମଧ୍ୟରୁ ଜଣେ କାହିଁକି କୁହାଯାଏ । ବର୍ତ୍ତମାନ, ପଞ୍ଜାବ ଭୟଙ୍କର ବନ୍ୟାର ସମ୍ମୁଖୀନ ହେଉଛି । ଏହି ବିପର୍ଯ୍ୟୟରେ ଏପର୍ଯ୍ୟନ୍ତ ୪୩ ଜଣଙ୍କର ମୃତ୍ୟୁ ହୋଇଛି ଏବଂ ୨୩ ଜିଲ୍ଲାର ଗାଁ ବୁଡ଼ି ଯାଇଛି । ଏପରି ପରିସ୍ଥିତିରେ, ବଲିଉଡର ଖିଲାଡି ଅକ୍ଷୟ କୁମାର ଏହି ବନ୍ୟା ପୀଡିତମାନଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଛନ୍ତି । ଏଥିସହ କୋଟି କୋଟି ଟଙ୍କା ସାହାଯ୍ୟ ପାଇଁ ମଧ୍ୟ ଦାନ କରିଛନ୍ତି ।ଆପଣମାନଙ୍କୁ କହି ରଖୁଛୁ ଯେ ଅକ୍ଷୟ କୁମାର ପଞ୍ଜାବ ବନ୍ୟା ପୀଡିତଙ୍କ ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ ୫ କୋଟି ଟଙ୍କାର ଦାନ କରିବାକୁ ଘୋଷଣା କରିଛନ୍ତି । ସେ ତାଙ୍କର ଏହି ପଦକ୍ଷେପକୁ ଦାନ ନୁହେଁ, ସେବା କାର୍ଯ୍ୟ ବୋଲି ବର୍ଣ୍ଣନା କରିଛନ୍ତି । ଏକ ରିପୋର୍ଟ ଅନୁଯାୟୀ, ଅକ୍ଷୟ କହିଛନ୍ତି ଯେ, ‘ମୁଁ ଏହି ବିଷୟରେ ମୋର ମତରେ ଅଟଳ । ହଁ, ମୁଁ ପଞ୍ଜାବର ବନ୍ୟା ପୀଡିତଙ୍କ ପାଇଁ ରିଲିଫ୍ ସାମଗ୍ରୀ କିଣିବା ପାଇଁ ୫ କୋଟି ଟଙ୍କା ଦାନ କରୁଛି ।’ ଏଥିସହ ଆହୁରି ମଧ୍ୟ କହିଛନ୍ତି ଯେ, ଯେତେବେଳେ ମୋତେ ସାହାଯ୍ୟର ହାତ ବଢାଇବାର ସୁଯୋଗ ମିଳେ ସେତେବେଳେ ମୁଁ ମୋ ନିଜକୁ ଭାଗ୍ୟବାନ ବୋଲି ମନେ କରେ ।ସେ କହିଛନ୍ତି, ‘ମୋ ପାଇଁ, ଏହା ମୋର ସେବା ଏବଂ ମୋର ଅତି ଛୋଟ ଅବଦାନ । ମୁଁ ପ୍ରାର୍ଥନା କରୁଛି ଯେ ପଞ୍ଜାବରେ ଥିବା ମୋ ଭାଇ ଏବଂ ଭଉଣୀମାନଙ୍କ ଉପରେ ଘଟିଥିବା ପ୍ରାକୃତିକ ବିପର୍ଯ୍ୟୟ ଶୀଘ୍ର ଦୂର ହୋଇଯାଉ । ଭଗବାନ ଆପଣମାନଙ୍କୁ ଆଶୀର୍ବାଦ କରନ୍ତୁ ।’ଅକ୍ଷୟ କୁମାର ଖାଲି ପଞ୍ଜାବରେ ସାହାଯ୍ୟ କରିନାହାଁନ୍ତି ବରଂ ସେ ବହୁ ଆଗରୁ ବଡ଼ ବଡ଼ ଦୁର୍ଘଟଣାରେ ମଧ୍ୟ ହାତ ବଢ଼ାଇଛନ୍ତି । ଯେପରିକି, କୋଭିଡ-୧୯ ମହାମାରୀ ସମୟରେ, ସେ ପିଏମ-କେୟାରସ୍ ପାଣ୍ଠିକୁ ୨୫ କୋଟି ଟଙ୍କା ଦାନ କରିଥିଲେ, ଯାହା ସେହି ସମୟରେ ଜଣେ ବଲିଉଡ ଅଭିନେତାଙ୍କ ଦ୍ୱାରା ସବୁଠାରୁ ଅଧିକ ଦାନ ଥିଲା । ଏଥିସହ ୨୦୧୯ ମସିହାରେ, ସେ ପୁଲୱାମା ଆକ୍ରମଣରେ ପ୍ରାଣ ହରାଇଥିବା CRPF ଯବାନଙ୍କ ପରିବାରକୁ ୫ କୋଟି ଟଙ୍କା ଦେବାକୁ ପ୍ରତିଶ୍ରୁତି ଦେଇଥିଲେ । ସେହିଭଳି ୨୦୧୮ ମସିହାରେ, କେରଳ ମୁଖ୍ୟମନ୍ତ୍ରୀଙ୍କ ବିପର୍ଯ୍ୟୟ ରିଲିଫ୍ ପାଣ୍ଠିକୁ ଏବଂ ବନ୍ୟା ପୀଡିତଙ୍କ ପାଇଁ ଭାରତ ବୀର କୋଷକୁ ୧ କୋଟି ଟଙ୍କା ଦାନ ମଧ୍ୟ କରିଥିଲେ । ଏହି କାରଣ ପାଇଁ ଅକ୍ଷୟ କୁମାରଙ୍କୁ କୁହାଯାଏ ବଲିଉଡର ସବୁଠାରୁ ବଡ଼ ଦୟାଳୁ ଅଭିନେତା ।