ଦିଲ୍ଲୀ : ପ୍ରସିଦ୍ଧ ହାସ୍ୟ ଅଭିନେତା କପିଲ ଶର୍ମାଙ୍କ ଶୋ’ କୁ ଦେଖିବା ପାଇଁ ଲୋକେ ଖୁବ ଉତ୍ସାହିତ । କିଛି ସମୟ ଧରି ତାଙ୍କର ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ ନେଟଫ୍ଲିକ୍ସରେ ଆସୁଛି । କିକୁ ଶାରଦା ଏବଂ କୃଷ୍ଣ ଅଭିଷେକଙ୍କ ମଧ୍ୟରେ ଝଗଡ଼ାର ଭିଡିଓ ଭାଇରାଲ ହୋଇଥିଲା ।ଏହାପରେ କପିଲଙ୍କ ଏହି କମେଡି ଶୋ’ ବିଷୟରେ ଏକ ବଡ଼ ଖବର ଆସିଛି । କିକୁ ଶାରଦା ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ରୁ ବିରତି ନେବାକୁ ଯାଉଛନ୍ତି । ଆଗାମୀ କିଛି ଦିନ ପାଇଁ ସେ କପିଲ୍ ଶର୍ମାଙ୍କ ଶୋ’ରେ ଦେଖାଯିବେ ନାହିଁ । ଜାଣନ୍ତୁ କାହିଁକି ?କିକୁ ଶାରଦା ନୂତନ ରିଆଲିଟି ଶୋ ‘ରାଇଜ୍ ଆଣ୍ଡ ଫଲ୍’ରେ ଅଂଶଗ୍ରହଣ କରିବାକୁ ଯାଉଛନ୍ତି । ଏହି ଶୋ’ର ସୁଟିଂ ବୁଧବାରଠାରୁ ଆରମ୍ଭ ହେବାକୁ ଯାଉଛି । ‘ରାଇଜ୍ ଆଣ୍ଡ ଫଲ୍’ ସହିତ ଜଡିତ ଏକ ସୂତ୍ର ଆଇଏଏନଏସକୁ କହିଛି ଯେ କିକୁ ଶାରଦା ଏହି ଶୋ’ରେ ନଜର ଆସିବେ ।ତେଣୁ, ସେ କିଛି ଦିନ ପାଇଁ ‘ଦି ଗ୍ରେଟ୍ ଇଣ୍ଡିଆନ୍ କପିଲ୍ ଶୋ’ରେ ଦେଖାଯିବେ ନାହିଁ । ଯେପର୍ଯ୍ୟନ୍ତ ସେ ନୂତନ ଶୋ’ର ଘରେ ଅଛନ୍ତି, ସେପର୍ଯ୍ୟନ୍ତ ସେ ପୁରୁଣା ଶୋ’ରେ ଦେଖାଯିବେ ନାହିଁ । ଏହାକୁ ‘Shark Tank’ ଫେମ୍ ପ୍ରସିଦ୍ଧ ବ୍ୟବସାୟୀ ଅଶନୀର ଗ୍ରୋଭର ହୋଷ୍ଟ କରିବାକୁ ଯାଉଛନ୍ତି ।ଶୋ’ର ଧାରଣା କିଛିଟା ବିଗ୍ ବସ୍ ସହିତ ସମାନ। ଏହି ଶୋ’ରେ ଅର୍ଜୁନ ବିଜଲାନି, କିକୁ ଶାରଦା, ଧନଶ୍ରୀ ବର୍ମା ଏବଂ କୁବ୍ରା ସୈତଙ୍କ ଭଳି ଅଭିନେତାଙ୍କ ପ୍ରବେଶ ନିଶ୍ଚିତ ହୋଇଛି । ଅନ୍ୟ ପ୍ରତିଯୋଗୀଙ୍କ ନାମ ଖୁବ୍ ଶୀଘ୍ର ଘୋଷଣା କରାଯିବ। ‘ରାଇଜ୍ ଆଣ୍ଡ ଫଲ୍’ ଖୁବ୍ ଶୀଘ୍ର Amazon MX Player ରେ ଷ୍ଟ୍ରିମ୍ ହେବ । ବର୍ତ୍ତମାନ, ଏହାର କିଛି ପ୍ରତିଯୋଗୀ ଏହାର ପ୍ରଚାର ଆରମ୍ଭ କରିଛନ୍ତି ।