ଚୌଦ୍ୱାର (ଶିବବ୍ରତ ଦାସ )– ଭାରତର ପୂର୍ବତନ ରାଷ୍ଟ୍ରପତି ଡଃ ଜାକିର ହୁସେନଙ୍କ ଶ୍ରାଦ୍ଧ ବାର୍ଷିକୀ ଅବସରରେ କଟକ ବଡ଼ବରସିଂହ ସ୍ଥିତ କୋଟପଲ୍ଲା ୟୁ.ପି. ସ୍କୁଲ ପରିସରରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଏକ ସ୍ମାରକୀ ବକ୍ତୃତା ସମେତ କୁଇଜ୍ ଓ ତର୍କ ପ୍ରତିଯୋଗିତା ଆୟୋଜିତ ହୋଇଥିଲା।ଏହି କାର୍ଯ୍ୟକ୍ରମର ମୁଖ୍ୟ ବିଷୟବସ୍ତୁ “ଡଃ ଜାକିର ହୁସେନଙ୍କ ଜୀବନ ଓ ଆଦର୍ଶରୁ ଶିକ୍ଷା” ରହିଥିଲା, ଯାହାର ମୁଖ୍ୟ ଉଦ୍ଦେଶ୍ୟ ଥିଲା ଛାତ୍ରଛାତ୍ରୀଙ୍କ ମଧ୍ୟରେ ଏହି ମହାନ ଶିକ୍ଷାବିତ୍ଙ୍କ ମୂଲ୍ୟବୋଧ ବିଷୟରେ ସଚେତନତା ସୃଷ୍ଟି କରିବା।ମୁଖ୍ୟ ବକ୍ତା ଭାବେ ସମାଜସେବୀ ଶାହଜାନ ଖାନ ଯୋଗଦେଇ ଭାରତୀୟ ଶିକ୍ଷା ବ୍ୟବସ୍ଥା ଓ ଦେଶ ଗଠନରେ ଡଃ ହୁସେନଙ୍କ ଅବଦାନ ସମ୍ପର୍କରେ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମରେ ସତ୍ୟନାରାୟଣ ପାତ୍ର ଅତିଥି ଭାବେ ଯୋଗଦେଇ ଡଃ ହୁସେନଙ୍କ ଦର୍ଶନର ପ୍ରାସଙ୍ଗିକତା ବିଷୟରେ ନିଜର ମତ ରଖିଥିଲେ। ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ କୁଇଜ୍ ଓ ତର୍କ ପ୍ରତିଯୋଗିତାରେ ଅଂଶଗ୍ରହଣ କରି ଭାରତୀୟ ଇତିହାସ ଏବଂ ପୂର୍ବତନ ରାଷ୍ଟ୍ରପତିଙ୍କ ସାମ୍ବିଧାନିକ ଦାୟିତ୍ୱ ଉପରେ ନିଜର ଜ୍ଞାନ ପ୍ରଦର୍ଶନ କରିଥିଲେ। ସବିକା ବେଗମ ତର୍କ ପ୍ରତିଯୋଗିତା ରେ ପ୍ରଥମ ସ୍ଥାନ ଅଧିକାର କରିଛନ୍ତି ଏବଂ ତନିଜା ବେଗମ କୁଇଜ ପ୍ରତିଯୋଗିତା ରେ ପ୍ରଥମ ସ୍ଥାନ ଅଧିକାର କରିଛନ୍ତି l
ସମଗ୍ର କାର୍ଯ୍ୟକ୍ରମକୁ ସଳିମୁଦ୍ଦିନ ଖାନ ସଫଳତାର ସହ ଆୟୋଜନ କରିଥିଲେ। ଶେଷରେ ସେ ଅଂଶଗ୍ରହଣକାରୀ ଓ ବିଦ୍ୟାଳୟ କର୍ତ୍ତୃପକ୍ଷଙ୍କୁ ଏହି ଶ୍ରଦ୍ଧାଞ୍ଜଳି ସଭାକୁ ସଫଳ କରିଥିବାରୁ ଧନ୍ୟବାଦ ଅର୍ପଣ କରିଥିଲେ।