ଚୌଦ୍ୱାର (ଶିବବ୍ରତ ଦାସ )
ନିଖିଳ ଭାରତ ଛାତ୍ର କଂଗ୍ରେସ (NSUI) ପକ୍ଷରୁ ସମଗ୍ର ଦେଶ ସମେତ ଓଡ଼ିଶାର ପ୍ରତିଟି ରାଜ୍ୟ ଓ ଜିଲ୍ଲାରେ ତ୍ରିରଙ୍ଗା ଶୋଭାଯାତ୍ରା ଆୟୋଜନ କରାଯାଇଛି। ଏହି କ୍ରମରେ କଟକ ସହରରେ ଅନେକ ଜିଲ୍ଲାର ଛାତ୍ରମାନଙ୍କୁ ନେଇ ଏକ ବ୍ୟାପକ ପ୍ରସ୍ତୁତି କରାଯାଇଛି।ମଧୁସୂଦନ ଆଇନ ବିଶ୍ୱବିଦ୍ୟାଳୟର ଶେଷ ବର୍ଷର ସଂଯୁକ୍ତ ଆଇନ (ଇଣ୍ଟିଗ୍ରେଟେଡ୍ ଲ’) ଛାତ୍ର ଶିବସୁନ୍ଦର ଦାସଙ୍କ ନେତୃତ୍ୱରେ ଏକ ବିଶାଳ ଗଣ ଶୋଭାଯାତ୍ରା ବାହାରିଥିଲା। ଏହି ରାଲିଟି ମଧୁସୂଦନ ଆଇନ ବିଶ୍ୱବିଦ୍ୟାଳୟରୁ ବାହାରି ରେଭେନ୍ସା ବିଶ୍ୱବିଦ୍ୟାଳୟ ପର୍ଯ୍ୟନ୍ତ ଯାଇଥିଲା। ଏଥିରେ ବିପୁଳ ସଂଖ୍ୟାରେ ଯୁବ ଛାତ୍ରଛାତ୍ରୀ ସାମିଲ ହୋଇଥିଲେ।ଏହି କାର୍ଯ୍ୟକ୍ରମରେ NSUI ଓଡ଼ିଶା ଜୋନ୍ ସଭାପତି ଶ୍ରୀ ବିଭୂତି ମହାପାତ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ଅନେକ ନୂତନ ଯୁବ ଚେହେରା ଓ ଛାତ୍ର ଆନୁଷ୍ଠାନିକ ଭାବେ NSUI ସଙ୍ଗଠନରେ ସାମିଲ ହୋଇଛନ୍ତି।