ଚୌଦ୍ୱାର (ଶିବବ୍ରତ ଦାସ) କଟକ ଜିଲ୍ଲା ୧୬ ନମ୍ବର ଜାତୀୟ ରାଜପଥ ଟାଙ୍ଗୀ ଥାନା ସ୍ଥିତ ନିର୍ଗୁଣ୍ଡି ନିକଟସ୍ଥ ଏକ ହିଟଜି ଗ୍ୟାରେଜ ଭିତରେ ଗତ ଡିସେମ୍ବର ୩୦ ତାରିଖ ରାତିରେ ଡବଲ ମାଡ଼ର ହୋଇଥିଲା l ଏହି ଘଟଣା କୁ ତଦନ୍ତ କରି ଟାଙ୍ଗୀ ପୁଲିସ ଏସ. ଡ଼ି.ପି ଓ ଉମାକାନ୍ତ ନାୟକ ଏକ ଟିମ ଗଠନ କରି ତଦନ୍ତ ଜୋରଦାର କରିଥିଲେ l ଜାନୁୟାରୀ ୨ ତାରିଖ ଦିନ ଟେକନିକାଲ ଓ ହ୍ୟୁମାନ ସୂତ୍ରରୁ ଖବର ପାଇ ତିନି ଜଣ ଅଭିଯୁକ୍ତ ନେମାଳ ଅଂଚଳ ର ଦିଲ୍ଲୀପ ନାୟକ(ଗ୍ୟାରେଜ ମାଲିକ ), ଓଟିଏମ କଲୋନୀ ର ଜ୍ଞାନ ରଞ୍ଜନ ମହାନ୍ତି (ସିକ୍ଯୁରିଟି ଗାର୍ଡ ), ମୟୁରଭଞ୍ଜ ଖୁଣ୍ଟା ଥାନା ଅଂଚଳର ବଉଳ ସିଂ (ଗ୍ୟାରେଜ ମିସ୍ତ୍ରୀ ) କୁ ଗିରଫ କରି କୋର୍ଟ ଚାଲାଣ କରିଥିଲା l ଗତ କାଲି ରାତିରେ ଇଣ୍ଟେଲିଜେଣ୍ଟ ସୂତ୍ର ରୁ ଖବର ପାଇ ଉମାକାନ୍ତ ନାୟକ ଙ୍କ ନେତୃତ୍ୱ ରେ ଦୁଇଟି ଟିମ କଟକ ଜିଲ୍ଲା କାନପୁର ଥାନା ଅଂଚଳ ରେ ଚଢ଼ାଉ କରି ସୂର୍ଯ୍ୟମଣି ମୁଦୁଲି (ହିଟାଜି ମିସ୍ତ୍ରୀ ) ଓ ସୁକିନ୍ଦା ଥାନା ଅଂଚଳ ର ସ୍ୱପ୍ନେସ୍ୱର ମହନ୍ତ (ଇଂଜିନ ମିସ୍ତ୍ରୀ ) କୁ ଗିରଫ କରି ଡାକ୍ତରୀ ମଇନା କରାଇ କୋର୍ଟ ଚାଲାଣ କରିଥିବାର ଜଣା ପଡିଛି l ଏ ସମ୍ପର୍କ ରେ ଏସ.ଡ଼ି.ପି.ଓ ଶ୍ରୀ ନାୟକ ପ୍ରକାଶ କରିଛନ୍ତି କି ଏହା ବଡ଼ ସମ୍ବେଦନଶୀଳ ଘଟଣା, ଦୁର୍ବୁତ୍ତ ମାନେ ସିସିଟିଭି ଭାଙ୍ଗି ଦେଇ ଥିବାରୁ ଫରେନସିକ ଟିମକୁ ହାର୍ଡଡିସ୍କ ପଠାଯାଇଛି ରିଟ୍ରାଇଭ ପାଇଁ, ସେଥିରୁ ଅଧିକ ତଥ୍ୟ ମିଳିବ l ତିନି ଦେଖେଣାହାରୀ ଙ୍କୁ ଥାନା କୁ ଅଣାଯାଇ ଅଧିକ ତଥ୍ୟ ସଂଗ୍ରହ କରାଯିବ l ଗିରଫ ଅଭିଯୁକ୍ତ ଙ୍କ ବୟାନ ଅନୁଯାଇ ଆହୁରି ପାଞ୍ଚ ରୁ ସାତ ଜଣ ଅଭିଯୁକ୍ତ ସମ୍ପୃକ୍ତ ଥିବା ଜଣା ପଡିଛି l ଖୁବ ଶୀଘ୍ର ଏମାନଂକୁ ଗିରଫ କରାଯିବ ଏବଂ ଗ୍ରାମାଞ୍ଚଳ ଏସପି ଙ୍କ ଦ୍ୱାରା ପ୍ରେସମିଟ କରାଯାଇ ସବିଶେଷ ସୂଚନା ଦିଆଯିବ ବୋଲି ଏସ ଡ଼ି.ପି.ଓ ଶ୍ରୀ ଉମାକାନ୍ତ ନାୟକ ସୂଚନା ଦେଇଛନ୍ତି l